Н.Түвшинбаяр босоо бөх гэдгээ дахин харууллаа

Д.ЦЭРЭН

ӨМӨЗО-ы Хөх хотноо Олон улсын жүдо бөхийн холбооноос зохион байгуулсан жүдогийн гранпри тэмцээн тивийн аваргын дайтай болж ням гаригт өндөрлөв. Энэ тэмцээнд 49 орны 380 гаруй шилдэг жүдоч бүтэн гурван өдөр уран мэх, эр бяраа гайхуулан өрсөлдсөн юм. Манай улсаас эрэгтэй, эмэгтэй тус бүр 14 жүдоч зодоглон нэг алт, нэг мөнгө, дөрвөн хүрэл медаль хүртсэн байна. Эрэгтэйчүүдийн -100 кг-д манайхан ноёлов. Ноёлсон гэдгийн учир энэ жинд 20 гаруй бөх зодоглосноос Хөдөлмөрийн баатар, олимпийн аварга Н.Түвшин­баяр залуучуу­дын дэл­хийн аварга Ө.Дүүрэн­баяр нар аваргын төлөө ба­рилд­сан юм. Н.Түвшинбаяр илүүрхэн цэвэр ялснаар алтан медалийн эзэн боллоо. Аварга маань Бразилийн Д.Моура, Ираны Ж.Махжоубав, Узбекистаны Б.Олтибоёв нарыг цэвэр ялж шигшээд шалгарсан байна. Энэ түрүү нь олимпийн аварга хүн ийм байдаг гэдгийг мэдрүүлсэн явдал болов.
Тэгвэл эрэгтэйчүү­дийн 90 кг-д армийн дэлхийн аварга Г.Алтанбагана мөнгөн медаль авсан бол Ц.Цогтбаатар /70 кг/, гавьяат тамирчин Д.Амартүвшин /60 кг/, эмэгтэй­чүүдээс гавьяат тамирчин М.Уранцэцэг /48 кг/, улсын гурван удаагийн аварга Б.Ганхайч /63 кг/ нар хүрэл медалиар энгэрээ мялаав.
Нийтлэгч: monh
Нийтлэсэн цаг: 2018-06-01 17:14
Зохилын ирэлт: Чингис сүлжээ
Өвөр монголын жуу удын монгол уран зохиолчдын нийгэмлэг эрхлэв   Email: qinggis@163.com
Өвөр монголын сурчин сүлжээн үйлчлээгийн компани үйлчилгээ хангав   Email: sorqin@sorqin.com
Өвөр монголын ICP бүртгэлийн 12001629 дугаар тоот   Өвөр монголын сэргийлэх бүртгэлийн 15042102000103 дугаар тоот
нүүр хуудас
ᠮᠣᠩᠭᠣᠯ ᠬᠡᠪ